Bakının Binəqədi rayonu, 7-ci mirkorayon ərazisində “Olympus Park” şirkətlər qrupunun “Butik-12” layihəsi üzrə inşa olunan yaşayış binasının sakinləri evin həyətinin təhlükəsizliyindən narahatdırlar. Bu haqda bu gün, 6 sentyabr tarixində Bakuplus.az Bakı Gündəliyi Facebook səhifəsinə istinadən məlumat verir.
Sakinlərin sözlərinə görə, inşaatdan əvvəl təqdim olunan layihə ilə reallıq arasında böyük fərq var. Belə ki, bina ərazisində vəd edilən abad və təhlükəsiz şərait yaradılmamışdır.
12 mərtəbəli binada 50 mənzil mövcuddur. Layihəyə əsasən, həyətdə 3000 kvadratmetr yaşıllıq və uşaq meydançası olmalı, uşaqların təhlükəsizliyi üçün hər cür şərait yaradılmalıdır. Tikiliş qurtardıqdan sonra isə uşaq meydançası əvəzinə yerüstü parkinq yaradılıb. Lakin yeraltı qarajın giriş-çıxışının yuxarı hissəsinin açıq olması, adicə məhəccərlərin qoyulmaması nəticəsində uşaqlar oradan yıxıla bilərlər. İşıq dirəkləri olmadığından gecələr həyət tamamilə qaranlıq olur.
Vətəndaşlar Antiinhisar və İstehlak Bazarına Nəzarət Dövlət Xidmətinə müraciət ediblər. Həmçinin onlar Prezidentin Administrasiyasına müraciət etməyə hazırlaşırlar.
[caption id="attachment_68487" align="alignnone" width="896"] Foto Baki-Gundeliyi Facebook Səhifəsi[/caption]
