Türkiyədə və Dubayda qadınları cinsi istismara məruz qoyan şəxs həbs olunub. Bu haqda 29 sentyabr tarixində APA məlumat verib.
Qadınları fahişəliyə cəlb etməkdə təqsirləndirilən 50 yaşlı Elnarə Zamanovanın cinayət işi üzrə məhkəmə prosesi başa çatıb.
O, CM-in “İnsan alveri, iki və ya daha çox şəxs barəsində törədildikdə” maddəsi ilə ittiham olunaraq, 8 il 6 ay müddətinə azadlıqdan məhrum edilib və məhkəmə zalından həbsə göndərilib.
Belə ki, o, Bakıda müxtəlif ünvanlarda yaşayan iki qadına: 35 yaşlı L.Q. və 34 yaşlı E.K.-ya xaricdə işə düzəltmək vədi verərək onlardan birini Türkiyənin Kırşehir şəhərinə, digərini isə Dubaya aparıb. Burada isə onları aldadaraq kişilərlə cinsi əlaqəyə cəlb edib.
