Bakının Suraxanı rayonu, Qaraçuxur qəsəbəsi ərazisində məhəllədaxili küçələrdə asfaltsız yollar təmir olunur. Bu haqda bu gün, 26 sentyabr tarixində Suraxanı Rayon İcra Hakimiyyətinin mətbuat xidməti məlumat verib.
Azərbaycan Avtomobil Yolları Dövlət Agentliyi (AAYDA) tərəfindən qəsəbə ərazisində Şərq yaşayış sahəsi, 13-cü döngədə uzunluğu 650 metr olan yolda 3900 kv.m, 16-cı döngədə isə uzunluğu 1000 metr olan yolda 6000 kv.m asfalt örtüyü salınır.
Rayon ərazisində digər ünvanlarda asfaltlanmasına ehtiyacı olan küçələrdə analoji işlər mərhələli şəkildə aparılacaq. Layihə “Azərbaycan Respublikası regionlarının 2019–2023-cü illərdə sosial-iqtisadi inkişafı Dövlət Proqramı”na uyğun olaraq həyata keçirilir.
[caption id="attachment_71389" align="alignnone" width="640"]
Foto Suraxanı Rayon İcra Hakimiyyətinin rəsmi saytı[/caption]
