Bakıda Zəfər Gününün 2-ci ildönümü qeyd olunub. Bu haqda BakuPlus.az bu gün, 8 noyabr tarixində xəbər verir.
Paytaxtda Silahlı Qüvvələrin zabit və kursantları hərbi orkestrin müşayiəti ilə keçid ediblər. Yürüşdən əvvəl şəhidlərin xatirəsi 1 dəqiqəlik sükutla yad edilib.
Şəhidlər xiyabanından başlayan yürüş Alov Qüllələri kompleksi, “İçərişəhər” metro stansiyası, İstiqlaliyyət küçəsi, Azneft dairəsi, Bəhram Gurun abidəsinə qədər davam edib. 3 istiqamətdə baş tutan keçiddə vətəndaşlar və müharibə qaziləri hərəkət edən hərbçilərlə yanaşı gediblər.
2 il öncə müharibə dövründə olduğu kimi, xalq öz hərbçilərinin yanında olub.
Eyni zamanda Azərbaycanın bütövlüyü uğrunda şəhid olmuş qəhrəmanların məzarları onların yaxınları, vətəndaşlar, hərbçilər və dövlət qulluqçuları tərəfindən ziyarət edilib. 2-ci Fəxri xiyabanda təsirli anlar yaşanıb.
[URIS id=78224]
View this post on Instagram
