Paytaxtda müxtəlif ölkələrin delikateslərini təqdim edən qastro-butiklər ildən-ilə daha da populyarlaşır. Kütləvi bazar və nəhəng supermarketlər unikal məhsul təqdim edən kiçik mağazalarla addım-addım əvəz olunur. Belə yerlərdə məhsulların xeyli baha olmasına baxmayaraq, getdikcə daha çox insan bu cür müəssisələrin təklifləri ilə maraqlanır.
Bakuplus.az şəhərimizdə yerli və xarici delikateslər təklif edən hər zövqə və büdcəyə uyğun ən məşhur 6 mağazanı seçib.
Gurmania - mağazada onlarla növ pendir, ət məhsulları, yağlar, souslar və şirniyyatlar təklif olunur. Burada hər zövqə və büdcəyə uyğun 300 növ müxtəlif şərablar, bir çox brend konyak, çaça və digər spirtli içkiləri tapmaq mümkündür. Burada həm ucuz brendlər, həm də nadir premium məhsullar təqdim olunur.
Meat Lab Gastrobar ət qastronomiyası üzrə ixtisaslaşmış mağazadır. Burada, həmçinin ferma süd məhsulları, nadir yağ növləri və müxtəlif çörək növləri tapa bilərsiniz. Mağazada qiymətlər 1 manatdan başlayır, tam menyuya buradan baxmaq olar: https://gastrobar.vip/shop
Foodport qastronom əvvəlki mağaza ilə oxşar konsepsiyaya malikdir. Burada ət və balıq delikatesləri və yarımfabrikatlar, desertlər, sendviçlər, Gürcüstandan alkoqol, çörək məhsullarını almaq olar. Bundan əlavə, burada veqan məhsulları da var.
Pribaltika Gastronomy - seçilmiş Baltik məhsulları çeşidini təklif edən ərzaq mağazaları şəbəkəsidir. Mağazada Baltikyanı regionun ət, süd, çörək məhsulları satılır.
Çörək ağacı - burada yüksək keyfiyyətli inqrediyentlərdən hazırlanmış müxtəlif çeşidli çörəklər tapa bilərsiniz. Yerli manufaktura 20-dən çox dünya çörək çeşidi istehsal edir. Butik, həmçinin sendviçlər və desertlər təklif edir. Mağazaların yanında kiçik rahat kafe də var. Çörəyin qiyməti 1.20 manatdan başlayır.
Zloy Coffee müxtəlif növ qəhvələr, eksklüziv şərq çayları, ədviyyatlar, həmçinin avadanlıq və əl istehsalı qablar təklif edir. Mağazada açıq havada kafe və dequstasiya otağı da var.
