“Mehnur” reabilitasiya mərkəzində uşaqlara işgəncə verən şəxslər etiraf ediblər. Bu haqda bu gün, 5 sentyabr tarixində Bakuplus.az Report-a istinadən xəbər verir.
İşgəncələrə Qarşı Azərbaycan Komitəsinin əməkdaşları şübhəli şəxslərlə görüşmək üçün polis bölməsinə gediblər. Aparılan söhbət zamanı onlar əməllərindən peşman olduqlarını qeyd ediblər. Mərkəzin psixoloqu Aytac Kazımlının sözlərinə görə, o, həmin vaxt özündə olmadığını və affekt vəziyyətində olduğunu deyib.
Direktor Nuranə Hacızadə isə yayılan videoda əks olunan uşağın onun tanıdığı olduğunu, həmin vaxt uşağın dırnağını tutduğunu qeyd edib və uşağa əzab vermədiyini bildirib.
Şübhəli şəxslərin hər biri vəkillə təmin olunublar. Araşdırmalar davam edir.
2 sentyabr tarixində “Mehnur” reabilitasiya mərkəzində uşaqlara işgəncə verildiyi əks olunan videogörüntülər yayılmışdır. Bununla bağlı 9 nəfər saxlanılmışdır.
