Neftçilərə yeni mənzillər təqdim edilib. Bu haqda bu gün, 4 may tarixində Bakuplus.az Report-a istinadən xəbər verir.
Tikintisinə 2020-ci ildə başlanmış və Səbail rayonu, Bibiheybət ərazisində yerləşən yaşayış kompleksində ümumilikdə 676 mənzildən ibarət səkkiz binanın inşası nəzərdə tutulub. 2023-cü ildə inşası tamamlanmış 17 mərtəbəli 2 binada birotaqlı, ikiotaqlı və üçotaqlı olmaqla ümumilikdə 252 mənzil var. Mənzillər tam təmir olunub, kommunal xidmətlərlə təchiz edilib. Kompleksdə digər altı binanın inşası davam edir.
Bu gün İqtisadiyyat naziri, Azərbaycan Dövlət Neft Şirkətinin (SOCAR) Müşahidə Şurasının sədri Mikayıl Cabbarov, SOCAR-in prezidenti Rövşən Nəcəf və Müşahidə Şurasının üzvləri şirkətin “Neftçi” mənzil-tikinti kooperativi tərəfindən inşa olunan yaşayış kompleksində görülən işlərlə tanış olublar.
Tədbirdə evlərin sənədləri sahiblərinə təqdim edilib. Yeni mənzil sahibləri arasında birinci və ikinci Qarabağ müharibələrində iştirak etmiş SOCAR əməkdaşları da var.
Ölkəmizin #iqtisadi qüdrətinin artırılmasına töhfə verən neftçilərimizin rifahının yüksəldilməsi dövlətin sosial siyasətində mühüm yer tutur. #SOCAR-ın (@SOCARofficial) prezidenti, həmkarım Rövşən Nəcəf (@RovshanNajaf) və Müşahidə Şurasının üzvləri ilə birlikdə "Neftçi"… pic.twitter.com/0GlP5XeRYv
— Mikayil Jabbarov (@MikayilJabbarov) May 4, 2024
