Bakıda hoteldə saxlanılan qadın haqqında maraqlı faktlar üzə çıxıb. Bu haqda 1 sentyabr tarixində Bakuplus.az 1news.az-a istinadən xəbər verir.
Nəsimi rayonunda hotellərin birində yaşayan narkotacir, Şirvan şəhər sakini Gülnar Əhmədovanın qaldığı otaqda 2 kiloqrama yaxın narkotik aşkar edilib.
İstintaq zamanı məlum olub ki, o, polisə yaxalanmamaq üçün mütəmadi olaraq yaşayış yerini dəyişərək hotellərdə gecələyirmiş.
Bundan əlavə, 2015-ci ildə Gülnar şantaja görə polis tərəfindən saxlanılmışdır. O, imkanlı kişilərlə intim münasibətə girib və bu prosesi kameraya çəkib. Daha sonra bu videoları yaymaqla hədələyərək onlardan külli miqdarda pul alıb. Artıq bir neçə kişi onun şantajının qurbanı olub. Əhmədovanın tələbini yerinə yetirməyən iki nəfərin videogörüntüləri bütün şəhərə yayılıb.
Gülnar Əhmədova, həmçinin uzun illər Şirvan şəhər təhsil şöbəsinin əməkdaşı olub, şöbə müdirinin köməkçisi vəzifəsində işləyib və 2013-cü ildə işdən çıxarılıb.
