“Salaam Cinema Baku”da rəqs dərsləri təşkil olunacaq. Bu haqda bu gün, 10 noyabr tarixində Bakuplus.az mədəniyyət məkanına istinadən xəbər verir.
Xoreoqraf Nigar İbrahimbəyli tərəfindən keçiriləcək “Teatr lab” rəqs proqramı həftədə 2 dəfə olmaqla hər həftə keçiriləcək.
Proqramın qrafiki aşağıdakı kimidir:
- Üstünlük Floor work-a (Döşəmə texnikası) veriləcək. Döşəmədən başlanılacaq və materialı mənimsədikcə yuxarıya doğru hərəkət ediləcək;
- Səviyyələr və məkan, artikulyasiya (momentum, ətalət) və cazibə (ağırlıq mərkəzi, çəki ilə işləmək, tarazlıq) ilə işləmək öyrədiləcək;
- İmprovizasiya texnikaları ilə bədəni dinləmək və başqa insanlarla bədən dili ilə ünsiyyət qurmaq öyrədiləcək;
- İmprovizasiya texnikalarından istifadə edərək özünü rəqs ilə ifadə etmək öyrədiləcək;
- Kursun sonunda qısa Solo və Duet xoreoqrafiyası öyrədiləcək.
Dərslərdə iştirak 8 dərs və həftəsonu açıq rəqs dərsi ilə birlikdə 50 AZN təşkil edir. Ünvan: Süleyman Rüstəm, 10.
