Paytaxtın Binəqədi rayonu, Sulutəpə qəsəbəsi, “Ətçilər” adlanan küçədə yollar bərbad vəziyyətdədir. Bu haqda bu gün, 19 oktyabr tarixində Bakuplus.az Xəzər Xəbər-ə istinadən məlumat verir.
Asfaltı dağılmış kələ-kötür yollar gölməçələrdən ibarətdir. Sakinlərin sözlərinə görə, qışda buradan keçmək mümkünsüz olur. 157 nömrəli sərnişin avtobusları isə yollara görə əksər vaxtlarda ləngiyir. Nəqliyyat vasitələrinə ciddi ziyan dəyir.
“2 aydan bir usta yanına gedirik. Yollar bərbaddır. Avtomobil sürmək belə çətindir”, - deyə sakinlər şikayət edirlər.
Avtomobil Yolları Dövlət Agentliyindən məsələdən xəbərdar olduqlarını və həmin ərazidə təmirin nəzərdə tutulduğunu bildiriblər.
[caption id="attachment_75396" align="alignnone" width="640"]
Foto Xəzər Xəbərin rəsmi Youtube kanalı[/caption]
