Suraxanı rayonunda şəhid Muxtar Qasımlının anım günü qeyd olunub. Bu haqda 3 oktyabr tarixində Bakuplus.az Suraxanı RİH-yə istinadən xəbər verir.
44 günlük Vətən müharibəsində şəhid olan, “Vətən uğrunda”, “Füzulinin azad olunmasına görə” və “Vətən müharibəsi iştirakçısı” medallarına layiq görülən şəhid Muxtar Qasımlının anım günü keçirilib. Mərasimdə şəhidin məzarı ziyarət edilib, üzərinə tər güllər düzülüb, ruhuna dualar oxunub.
Həmçinin şəhidin adını daşıyan idman zalının açılış mərasimi keçirilərək istifadəyə verilib.
Tədbirdə Suraxanı Rayon İcra Hakimiyyətinin başçısı Əziz Əzizov, Milli Məclisin sədr müavini Adil Əliyev, deputat Etibar Əliyev, RİHB-nin müavinləri və şöbə müdirləri, Vətən müharibəsi qaziləri, şəhid valideynləri və ictimaiyyət nümayəndələri iştirak ediblər.
Daha sonra tədbirdə şəhidin ailə üzvləri çıxış edərək Muxtar Qasımlı ilə bağlı xatirələrini bölüşüblər. Sonda isə ehsan süfrəsi verilib.
[caption id="attachment_72716" align="alignnone" width="1000"] Foto Suraxanı Rayon İcra Hakimiyyətinin rəsmi saytı[/caption]
