Suraxanı rayonunun sakinləri asfaltsız yollardan şikayətçidirlər. Bu haqda 26 sentyabr tarixində AzTV məlumat verib.
Sözügedən hal Hövsan qəsəbəsi, Dənizkənarı küçə adlandırılan ərazidə yaşanır. Sakinlər deyirlər ki, təcili tibbi yardım briqadaları bu küçələrə gəlməkdən imtina edir. Onlar bildirirlər ki, əsas yollar asfaltlansa da, dalanlar və ara küçələr keçilməz olaraq qalır.
Mərkəzi kanalizasiya sistemi olmadığından, çirkab sular da bir yandan bərbad vəziyyətdə olan yolları bataqlığa çevirir. Yolların bərbad vəziyyətdə olması ilə yanaşı, yerli sakinlər zibil qutularının olmamasından da əziyyət çəkirlər. Çünki ən yaxın zibil qutuları təxminən bir kilometrlik məsafədə yerləşir.
Məsələ ilə əlaqədar AAYDA açıqlama verib:
“2021-ci ildə ümumi uzunluğu 18,5 km təşkil edən küçələr təmir edilib. 2022-ci ildə, yəni cari ildə isə 12,5 km uzunluğa malik küçə və yolların təmiri nəzərdə tutulub ki, bu istiqamətdə işlərə başlanılıb. O cümlədən Hövsan qəsəbəsində sonrakı mərhələlərdə həmin küçələri birləşdirən yolların, dalanların, ara küçələrin təmiri tərəfimizidən icra olunacaq”.
[caption id="attachment_71407" align="alignnone" width="640"]
Foto AzTv-nin rəsmi youtube kanalı[/caption]
