Bakının Suraxanı rayonunda yaşayan sakinlər suyun olmamasından çətinlik çəkirlər. Bu haqda 8 sentyabr tarixində Bakuplus.az Real TV-yə istinadən xəbər verir.
Zığ qəsəbəsi, İdris Süleymanov, 1G ünvanında 25 ailənin yaşadığı binada uzun illərdir ki, su problemi var. Belə ki, 8 il bundan əvvəl həmin sakinlər Zığ qəsəbəsi, Zığ yolu küçəsi, 21b ünvanında yaşayıblar, amma həmin ərazi sürüşmə zonasına düşdüyündən bina sakinləri indiki ünvana köçürülüblər. Elə susuz günləri də o vaxtdan başlayıb. Hazırda mənzillərə yaxınlıqda yerləşən su anbarı vasitəsilə su verilir. Amma anbarda yerləşən motorun tez-tez sıradan çıxması sakinlərin günlərlə susuz qalmasına səbəb olur. Buna görə də sakinlər məcbur olub suyu pulla alırlar.
Araşdırma zamanı məlum olub ki, bina Suraxanı Sukanal İdarəsinin balansında olmamasına baxmayaraq, sakinlər hər zaman su ilə təmin edilirlər. Motor nə vaxt xarab olubsa, mənzillər susuz qalmasın deyə, alternativ variantlar ilə təchizat təmin edilib.
Binanın xarici su təchizatı və kanalizasiya sistemlərinin “Azərsu” ASC-nin balansına verilməsi üçün müraciət edilib və məsələ Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidmətində yaradılmış xüsusi komissiyada baxılıb. Binanın “Azərsu” ASC-nin balansına verilməsi üçün Nazirlər Kabinetinə müraciət edilib.
[caption id="attachment_68913" align="alignnone" width="1024"]
Foto Real Tv-nin rəsmi Youtube kanalı[/caption]
