UNEC-də “Erməni dili” kursuna yenidən start veriləcək. Bu haqda 6 sentyabr tarixində Bakuplus.az İnsanoid-ə istinadən xəbər verir.
“Erməni dili” kursları Azərbaycan Dövlət İqtisad Universitetində oktyabr ayından etibarən təşkil olunacaq. Kursların ya onlayn, ya da əyani şəkildə keçirilməsi gözlənilir.
Kursların məqsədi Ermənistanın mətbuatını izləmək, bu dildə olan elektron resurslardan istifadə etməklə araşdırmalar aparmaq imkanı yaratmaqdır. Bununla, həmçinin tədqiqatçılar Ermənistanın iqtisadi durumu ilə bağlı onların dilində olan mənbələrdən məlumat əldə edə biləcəklər.
Kurslarda iştirak etmək və ya ətraflı məlumat almaq üçün (012) 492 57 31 nömrəsi ilə əlaqə saxlamaq mümkündür.
Son zamanlar KİV-də erməni məktəblərində Azərbaycan dilinin tədris olunacağı barədə məlumat yayılmışdı. İddia edilir ki, dərslər sentyabr ayında başlayacaq.
