Akademik Rus Dram Teatrında "Xəsisin andı" tamaşası nümayiş olunacaq. Bu haqda BakuPlus.az bu gün, 20 sentyabr tarixində xəbər verir.
ƏSA Teatrının hazırladığı “Xəsisin andı” tamaşasının nümayişi 28 sentyabr tarixində Akademik Rus Dram Teatrında baş tutacaq.
Tamaşa bugünədək səhnəyə qoyulmuş “Xəsis” əsərinə tamamilə yeni rakursdan baxılaraq təqdim olunur. Belə ki, baş qəhrəman – Qarpaqonun ikrah hissi yaradan şəxsi keyfiyyətləri və xəsisliyi deyil, insanların şəxsi mənafe naminə qurduqları münasibətlərin ifşası ön plana çəkilir.
Biletlərin qiyməti 7-20 manat arasında dəyişir. Biletləri şəhərin kassalarından və ya onlayn əldə edə bilərsiniz.
