Paytaxtın Xətai rayonu, Rəşid Bağırov, 36 ünvanında içməli su 5 aydır ki, küçəyə axır. Bu haqda bu gün, 6 yanvar tarixində Baku.ws məlumat verib.
Sakinlərin sözlərinə görə, “Azərsu” ASC-yə bir neçə dəfə müraciət göndərilsə də, məsələ həll olunmayıb.
Qurumun mətbuat xidmətinin rəhbəri Anar Cəbrayıllı bildirib ki, problem aradan qaldırılıb: "Qurum əməkdaşları yeri əllə qazaraq görüblər ki, rezin boru ilə çəkilən su xətti sıradan çıxıb. Həmin su xətti bərpa edilib".
"Xətai rayonu Sukanal İdarəsinin qəza briqadası əraziyə gedib. Orada fərdi su şəbəkələridir. Mərkəzi su şəbəkəsi qurulmayıb. Vaxtilə tikilmiş həyət evləridir. Tikilinin hasarının altından boru keçir. Ümumilikdə sözügedən ərazidə rezin, polietilen və polad boru ilə çəkilən xətlər var. Gələcəkdə həmin ərazidə əsas daşıyıcı xətlərin yenilənməsi planlaşdırılır", - deyə A.Cəbrayıllı qeyd edib.
