Bakıda 22 noyabr tarixində Jan-Pol Sartrın “Bağlı qapı arxasında” əsəri əsasında hazırlanan “Çıxış yoxdur!” fəlsəfi dramının nümayişi baş tutacaq. Bu haqda bu gün, 10 noyabr tarixində Bakuplus.az məlumat verir.
Ekzistensialist ədəbi-fəlsəfi cərəyanının banilərindən biri olan Jan-Pol Sartr 1944-cü ildə “Bağlı qapı arxasında” əsərində ölümündən sonra bir otaqda əbədi həbs cəzasına məhkum edilmiş üç nəfər haqqında yazır.
Tamaşanın quruluşçu rejissoru Nihad Qulamzadədir. Baş rolları Elşən Əsgərov, Lalə Süleymanova, Səmayə Ağayarova, Elsevər Rəhimov, Gülçin Qasımova və Aysel Feziyeva ifa edirlər.
Tamaşa saat 19:30-da Akademik Rus Dram Teatrının səhnəsində Azərbaycan dilində təqdim olunacaq.
Biletlər şəhər kassalarında və onlayn əldə etmək mümkündür.
