Bakıda “Gənc tamaşaçılar üçün muzey” adlı beynəlxalq konfrans keçiriləcək. Bu haqda BakuPlus.az bu gün, 14 oktyabr tarixində xəbər verir.
19-21 oktyabr 2022-ci il tarixlərində təşkil olunacaq konfrans Azərbaycan Milli Xalça Muzeyində baş tutacaq.
Tədbir AMXM və Azərbaycan Mədəniyyət Nazirliyinin təşkilatçılığı, MDB ölkələrinin Dövlətlərarası Humanitar Əməkdaşlığı Fondunun dəstəyi ilə həyata keçiriləcək.
Konfrans gənc ziyarətçi kontingenti olan muzeylər, həmçinin valideynlər və təhsil müəssisələri ilə muzeylər arasında münasibətlərin bütün nüanslarını əhatə etmək üçün nəzərdə tutulub.
Bununla yanaşı, konfrans çərçivəsində sərgi, ustad dərsləri və zəngin mədəni proqram təşkil olunacaq.
