Paytaxtın Binəqədi rayonu, Xocəsən qəsəbəsində yerləşən göl xəstəlik mənbəyinə çevrilib. Bu haqda bu gün, 28 dekabr tarixində Bakuplus.az ATV-yə istinadən xəbər verir.
Sahəsi 175 hektar olan Xocəsən gölünə yaxınlıqda yerləşən əksər evlərin çirkab suları axıdılır. Buna görə də burada nə qışda, nə də yayda üfunət iyindən dayanmaq mümkün deyil. Sakinlərin sözlərinə görə, gölə evlərlə yanaşı, zavod və fabriklərin tullantıları da axıdılır. Həmin göldən ayrılan kanallar massiv boyunca davam edir.
Həmin kanalların dərinliyi bəzən 3-4 metrə çatır. Bu da azyaşlılar üçün təhlükə mənbəyidir.
“Evimin içinə qədər su gəlir. Keçən il bütün döşəmələri söküb atmışıq. İydən dayanmaq mümkün deyil”, - deyə sakinlər şikayət edirlər.
“Azərsu” ASC-dən məsələ ilə bağlı bildirilir ki, həmin ərazilərdə kollektorun tikintisi, həm də toplayıcı şəbəkənin yaradılması nəzərdə tutulub.
[URIS id=85042]
