“YARAT” mərkəzində caz musiqiçisi Maylz Devis haqqında sənədli film nümayiş olunacaq. Bu haqda bu gün, 12 noyabr tarixində Bakuplus.az incəsənət mərkəzinə istinadən xəbər verir.
Filmdə görkəmli musiqiçilər, tarixçilər, cazmenin ailə üzvləri və dostları onun həyatı haqqında fikir bildirirlər. Kinoda hər şeyi izah edən Karl Lembi Maylzın həyat və yaradıcılığını təhlil edərək əfsanə pərdəsini qaldırır və dahi şəxsiyyətin insan mahiyyətini açır.
Sözügedən kinolent ən yaxşı sənədli film və orijinal ssenari üçün iki "Emmy" mükafatı qazanıb. Premyerası "Sundance" film festivalında baş tutub.
Tədbir 17 noyabr saat 19:30-da “YARAT” mərkəzində baş tutacaq.
