Paytaxtın Yasamal rayonu, Məmməd Rahim küçəsində piyada yolu maneələrlə doludur. Bu haqda bu gün, 20 oktyabr tarixində Bakuplus.az xəbər verir.
Belə ki, piyadalar adıçəkilən küçədən Hüseyn Cavid prospektinə çıxmaq üçün bir sıra maneələrdən keçməlidirlər.
Öncə onlar səkini tam zəbt etmiş kafenin içindən hərəkət edirlər, daha sonra düz yol olmağına baxmayaraq, zibil qutuları ilə üzləşirlər. Həmin qutuları yan keçəndən sonra onlar piyada səkisində park olunmuş avtomobillərlə üzləşirlər. Bu maneəni də qət edən piyadalar bu dəfə yolun kənarında park olunmuş, ancaq piyada yoluna keçidi bağlayan avtomobillər ilə qarşılaşırlar.
Məmməd Rahim küçəsi Hüseyn Cavid prospekti ilə kəsişir deyə və bura universitetin qarşısı olduğundan ərazi sıx hərəkətli sayılır.
[URIS id=75618]
