Paytaxtda atletika üzrə Bakı çempionatı keçiriləcək. Bu haqda BakuPlus.az Azərtac-a istinadən bu gün, 11 may tarixində xəbər verir.
Azərbaycan Dövlət Bədən Tərbiyəsi və İdman Akademiyasının stadionunda təşkil olunacaq çempionat mayın 13-ü və 14-də baş tutacaq.
Yarışda atletlər 60, 200, 400, 800, 1500 və 3000 metr məsafələrə qaçış, 4x200 metr məsafədə estafet qaçışı, uzunluğa, hündürlüyə və üçtəkanla tullanma, eləcə də nüvəitələmə yarışlarında qüvvələrini sınayacaqlar.
Çempionat iki gün davam edəcək. Ümumilikdə 150 idmançının qatılacağı turnirdə səkkiz komanda mübarizə aparacaq.
