Bakıda məşqçilər üçün üzgüçülük üzrə seminar təşkil olunacaq. Bu haqda BakuPlus.az Azərtac-a istinadən bu gün, 7 may tarixində xəbər verir.
Mayın 7-8-də baş tutacaq seminar Azərbaycan Dövlət Bədən Tərbiyəsi və İdman Akademiyasında Azərbaycan Üzgüçülük Federasiyasının və Akademiyanın birgə təşkilatçılığı ilə keçiriləcək.
Seminar iki gün davam edəcək və bir neçə hissədən ibarət olacaq.
Ümumilikdə 170-ə yaxın məşqçinin iştirak edəcəyi seminarı hazırda dünya rekordçusu, macar üzgüçü Sebastyan Sabonun məşqçisi olan, üzgüçülük üzrə tanınmış məşqçi İvan Petrov keçəcək.
Açılış mərasimi mayın 8-də Azərbaycan Dövlət Bədən Tərbiyəsi və İdman Akademiyasında olacaq.
