Bakının Milli Gimnastika Arenasında qadın idman gimnastikası üzrə 6-cı, kişi idman gimnastikası üzrə 27-ci Azərbaycan birinciliyi və Bakı çempionatı keçiriləcək. Təbdirin keçirilməsi 25-26 mart tarixlərində nəzərdə tutulub.
Yarışlarda idmançılar “Ocaq Sport”, Bakı Gimnastika Məktəbi, Sumqayıt Olimpiya İdman Kompleksi, Sumqayıt İxtisaslaşdırılmış Olimpiya Ehtiyatları Uşaq Gənclər İdman Məktəbi və Balakəni təmsil edəcəklər. Ümumilikdə, yarışda 79 idmançı qüvvələrini sınayacaq.
İki illik fasilədən sonra tamaşaçılar ilk dəfə olaraq idman çıxışlarını Milli Gimnastika Arenasında izləyə biləcəklər.
Tamaşaçılar etibarlı COVID-19 peyvənd və ya immunitet sertifikatı təqdim etməlidirlər.
Biletləri https://iticket.az/ saytından onlayn və şəhər kassalarından əldə etmək olar. Biletlərin qiyməti 7 manatdır.
