Taekvondo üzrə ümummilli lider Heydər Əliyevin anadan olmasının 99-cu ildönümünə həsr olunmuş Bakı açıq birinciliyinin açılış mərasimi keçirilib. Bu haqda BakuPlus.az APA-ya istinadən bu gün, 10 may tarixində xəbər verir.
Azərbaycan Taekvondo Federasiyası və Bakı şəhər Gənclər və İdman İdarəsinin birgə təşkilatçılığı ilə baş tutan tədbirdə Bakı şəhər Gənclər və İdman İdarəsinin rəisi Raqif Abbasov, Azərbaycan Taekvondo Federasiyasının vitse-prezidenti Niyaməddin Paşayev və başqaları iştirak ediblər.
Fövqəladə Hallar Nazirliyinin İdman-Sağlamlıq Mərkəzində təşkil olunan Bakı açıq birinciliyində 500-dən artıq uşaq, yeniyetmə və gənc mübarizə aparır. Reqlamentə əsasən 2 gün davam edəcək yarışda hər 3 yaş qrupunda 20 (10 oğlan, 10 qız) çəki dərəcəsində qaliblər bəlli olacaq.
[URIS id=43825]
