Bu gün U-21 gənclər arasında cüdo üzrə Bakı şəhər birinciliyinə start verilib. Bu haqda BakuPlus 28 yanvar tarixində xəbər verir.
Fövqəladə Hallar Nazirliyinin İdman Sağlamlıq Mərkəzində baş tutan turnir Bakı Şəhər Gənclər və İdman Baş İdarəsi və Azərbaycan Cüdo Federasiyasının birgə təşkilatçılığı ilə keçirilir.
Yarışda Bakının müxtəlif klublarından, cəmiyyətlərindən və idman təşkilatlarından 180-ə yaxın idmançı medallar uğrunda mübarizə aparacaqlar.
2002-2004-cü il təvəllüdlü idamançıların iştirak edəcəyi turnirdə qızlar -44, -48, -52, -57, -63, -70, -78 +78 kq, oğlanlar isə -55, -60, -66, -73, -81, -90, -100, +100 kq çəki dərəcələrində güclərini sınayacaqlar.
