Gənclər və idman naziri Fərid Qayıbov Bakının kənd və qəsəbələrini ziyarət edib. Bu haqda bu gün, 14 yanvar tarixində Bakuplus.az Report-a istinadən xəbər verir.
Nazir Maştağa və Yeni Suraxanı qəsəbələrinin futbol meydançalarına baxış keçirib, Buzovna, Binə və Pirallahı qəsəbələrində idmançıların məşq prosesini izləyib, onlarla və məşqçilərlə söhbət edib.
Həmçinin Yeni Suraxanı qəsəbəsində yerləşən Şahmat Məktəbinin, Yeni Günəşlidə isə minifutbol meydançasının vəziyyəti ilə maraqlanıb.
Bundan əlavə, Bakı şəhər Tibbi Bədən Tərbiyəsi Dispanserinin fəaliyyəti ilə tanış olub, Pirallahı qəsəbəsində yeni inşa edilmiş Gənclər Mərkəzinin binasını ziyarət edib.
[URIS id=86935]
