Abşeron rayonunun Masazır qəsəbəsi ərazisində 29 avqust tarixində 199 saylı marşrut xətti üzrə hərəkət edən avtobusun sürücüsü Adil Nəbiyevlə sərnişin arasında dava baş verib. Bu haqda avqustun 30-u Bakuplus.az Xəzər Xəbər-ə istinadən məlumat verir.
Şahidlərin sözlərinə görə, sürücü avtobusu sərnişinin dediyi yerdə saxlamayıb. Qadınla onun arasında mübahisə yaranıb, daha sonra əlbəyaxa davaya çevrilib.
Marşrut xəttinin dispetçeri Elşad Rəhimov bildirib ki, avtobus Masazır dairəsi yaxınlığında hərəkətdə olarkən bir nəfər sürücüyə yaxınlaşıb, onu döyərək təhqir edib və nəqliyyat vasitəsini tərk edib. Bundan sonra sürücü emosiyalarının öhdəsindən gələ bilməyib və dava başlayıb.
Nəqliyyat vasitəsinin sahibi olan “Faiqoğlu” nəqliyyat şirkəti bildirib ki, hadisədən sonra sürücü ona təzyiq edilməsi ilə bağlı Daxili İşlər Nazirliyinin “102” qaynar xəttinə müraciət edib.
Faktla bağlı araşdırma aparıldıqdan sonra məsələyə hüquqi qiymət veriləcək.
