Bakıda 51 yaşlı piyadanı avtomobillə vurub öldürən şəxsin məhkəməsi keçirilib. Bu haqda BakuPlus.az Qafqazinfo-ya istinadən bu gün, 21 sentyabr tarixində xəbər verir.
Cari ilin mart ayının 16-na keçən gecə, Heydər Əliyev prospektinin metronun “Koroğlu” stansiyasının qarşısından keçən hissəsində Ruslan Qəniyev idarə etdiyi “Range Rover Sport” markalı avtomobillə 51 yaşlı Güloğlan Mirzəyevi vurub. Avtomobilin altında qalan şəxs vəfat edib.
42 yaşlı Ruslan Qəniyev Cinayət Məcəlləsinin 263.2-ci (Yol hərəkəti və ya nəqliyyat vasitələrinin istismarı qaydalarını pozma – ölümlə nəticələndikdə) maddəsi ilə təqsirləndirilib.
Bakının Nizami Rayon Məhkəməsində ona 1 il sınaq müddəti təyin edilməklə şərti cəza verilib.
Qəzanı törədən sürücü Azərbaycan Hava Yolları QSC-nin (AZAL) “Airbus” hava gəmisinin kapitanıdır. O, saat 00:07-də evinə qayıdarkən G.Mirzəyev qəfil prospekti keçməyə çalışıb.
