Bakı aeroportunda ölümlə hədələnən şəxs polisə müraciət edib. Bu haqda bu gün, 19 sentyabr tarixində Qafqazinfo məlumat verib.
41 yaşlı Rusiya vətəndaşı C.Orucov Daxili İşlər Nazirliyinin 102 xidmətinə zəng edərək Heydər Əliyev hava limanında naməlum şəxsin hücumuna məruz qaldığını bildirib.
Şikayətçi qeyd edib ki, o, hava limanında olarkən ona əvvəllər tanımadığı bir şəxs yaxınlaşıb və Orucovun fotolarını həyat yoldaşına göndərdiyini bildirib. Bu səbəbdən onu öldürməklə hədələyib.
Müraciət əsasında Nəqliyyatda Polis Baş İdarəsində yoxlama aparılır.
