Nail Kəmərlinin avtomobilindən oğurluq edən şəxs tutulub. Bu haqda 31 avqust tarixində Report məlumat verib.
Polisin keçirdiyi əməliyyat-axtarış tədbirləri nəticəsində saxlanılan şəxs Bakı sakini, 25 yaşlı Əli Kazımovdur. Araşdırma zamanı məlum olub ki, Ə.Kazımov dəfələrlə oğurluq əməllərinə görə məhkum edilib.
Bundan əvvəl, 24 avqust gecə saatlarında Nail Kəmərliyə məxsus “Niva” markalı avtomobil qarət edilmişdir. Belə ki, nəqliyyat vasitəsinin salonundan videoçəkiliş üçün istifadə olunan kamera oğurlanmış, həmçinin avtomobilin maqnitofonunu sındırılmışdır.
Nail Kəmərli Bakıda narkotik alveri və narkomaniya mövzusunu fəal şəkildə işıqlandırır. Bir müddət öncə o, “Papanin” kimi tanınan yaşayış massivində qaraçıların qanunsuz narkotik alverindən bəhs edən süjeti lentə almışdır.
