Bakıda qadın şirkətdən 423.000 ABŞ dolları məbləğində pul oğurlayıb. Bu haqda bu gün, 28 sentyabr tarixində Bakuplus.az Report-a istinadən xəbər verir.
Nelli Fabriçnaya şirkət rəhbəri Əfqan Zeynalovun güvənindən istifadə edərək şirkətin pulunu mənimsəyib.
Belə ki, N.Fabriçnaya sözügedən şirkətdə kadrlar şöbəsinin müdiri olub. Ə.Zeynalov qadına bəzi işləri görmək üçün etibarnamə verib. Hətta qadının seyfinə şirkətin pullarını qoyub. Bu güvəndən istifadə edən N.Fabriçnaya seyfdən ümumilikdə 423.000 ABŞ dolları götürüb. Məbləğin bir hissəsini şirkətin xadiməsi Mehriban Atakişiyevaya, digər hissəsini isə sevgilisi Raufa verib.
Ə.Zeynalov bildirir ki, qadın törətdikləri əməlləri ört-bastır etmək üçün onu zəhərləmək də istəyib.
Onun dikretoru olduğu şirkət ilə "Azərbaycan Dəmir Yolları" QSC müqavilələr bağlayıb, eləcə də avtomobil yollarının təmiri ilə məşğul olub.
Məhkəmə prosesi davam edir.
