Bakıda qumar borcu üstündə qətl törədən şəxsə hökm oxunub. Bu haqda bu gün, 3 oktyabr tarixində Bakuplus.az məlumat verir.
Tanışını qətlə yetirən 38 yaşlı Rabil Qasımov 9 il müddətinə azadlıqdan məhrum olunub. Cinayət işinə Bakı Ağır Cinayətlər Məhkəməsində hakim İradə Həsənzadənin sədrliyi ilə baxılıb.
Cari il aprelin 4-də Nəsimi rayonunda Rabil Qasımov 40 yaşlı Bəhruz Quliyevi qətlə yetirib. Araşdırma zamanı məlum olub ki, Bəhruz qumarda uduzduğu pulu qaytarmadığı üçün Rabil onu bıçaqlayıb.
İstintaq orqanı tərəfindən Rabil Qasımova Cinayət Məcəlləsinin “Qəsdən adam öldürmə” maddəsi ilə ittiham elan olunub.
