Xarici ölkə vətəndaşının bank kartından külli miqdarda pul oğurlayan şəxs barədə ibtidai istintaq yekunlaşıb. Bu haqda BakuPlus.az Bizim.Media.az-a istinadən bu gün, 30 avqust tarixində xəbər verir.
27 min dollar məbləğində oğurluq etməkdə təqsirləndirilən Orxan Qafarov barəsində toplanan materiallar Yasamal Rayon Məhkəməsinə göndərilib.
Cinayət işi araşdırılması üçün hakim Rauf Daşdəmirovun icraatına verilib.
Ötən ilin dekabrında ölkəmizdə yaşayan xarici ölkə vətəndaşı Banihashemian Seyed Mahmoud ona məxsus bank kartından 27 min dolların oğurlanması barədə polisə məlumat verib.
Orxan Qafarov barəsində Cinayət Məcəlləsinin 177.2.3-1-ci (Dələduzluq elektron məlumat daşıyıcılarından, yaxud informasiya texnologiyalarından istifadə edilməklə törədildikdə) maddəsi ilə ittiham elan edilib.
