Bakı və Sumqayıt şəhərlərini, həmçinin ümumilikdə Abşeron yarımadasını elektrik enerjisi ilə təchiz edən yüksək gərginlikli xətlərin metal dayaqları oğurlanıb. Bu haqda bu gün, 6 oktyabr tarixində Bakuplus.az Daxili İşlər Nazirliyinə istinadən xəbər verir.
Bahadur və Əfrail Zahidov qardaşları xətlərin Abşeron rayonu ərazisindən keçən hissəsindən oğurluq edib və paytaxtın enerji təminatını təhlükə altına atıblar. Daha sonra onlar konstruksiyaları Binəqədi rayonundakı metal qəbulu məntəqəsinə satıblar.
Keçirilən əməliyyat zamanı Bahadur və Əfrail qardaşları, eləcə də metal qəbulu məntəqəsi sahibləri Murad və qardaşı Sülhəddin Bəhramov da tutulublar.
Faktla bağlı araşdırmalar davam edir.
[caption id="attachment_73548" align="alignnone" width="640"]
Foto Daxili İşlər Nazirliyinin rəsmi Youtube kanalı[/caption]
