Bakı-Sumqayıt yolunda ard-arda maşınları vuran sürücü danışıb. Bu haqda BakuPlus.az Baku TV-yə istinadən bu gün, 22 oktyabr tarixində xəbər verir.
Sürücü Elməddin Abbasov qeyd edib ki, şəkər xəstəsidir və meyvə alveri ilə məşğuldur:
“2009-cu ildən şəkər xəstəliyindən əziyyət çəkirəm. Məndə şəkər qalxıb-düşür. Ona görə də cibimdə həmişə konfet gəzdirirəm. Hadisə günü “Meyvəli” bazarından işimlə əlaqədar çıxandan sonra bir konfet yeyib yola düşmüşəm. 6-cı mikrorayona getməli idim, gedib çıxmışam Sumqayıta. Sosial şəbəkələrdə bilib-bilmədən danışanlara demək istəyirəm ki, şəkər xəstəsiyəm və komada olmuşam”.
Sürücü onu da əlavə edib ki, işi avtomobillə meyvə alıb-satmaqdır:
“Bu günə qədər belə bir problem yaşamamışdım. Ailəmi, uşaqlarımı bu iş sayəsində dolandırıram”.
