Zuğulba yolu, 21 ünvanında yerüstü keçid inşa olunur. Bu haqda 24 sentyabr tarixində Bakuplus.az-a məlumat daxil olub.
Keçid bu ərazidə yerləşmiş avtobus dayanacağının yerində tikilir. Bununla əlaqədar köhnə dayanacaq sökülüb və piyada keçidinin tikildiyi yerin yanında yeni, müasir tipli dayanacaq pavilyonu quraşdıırlıb. Hal-hazırda ərazidə təmir işləri aparılır, tamet daşları düzülür və piyada səkiləri yenilənir.
Buzovna - Zuğulba avtomobil yolunda sürət məhdudiyyəti 110 km/s-dır və bu sözün əsl mənasında sürətli trasdır. Yolun hər iki tərəfində şəxsi evlər və avtobus dayanacaqları var, buna baxmayaraq, bu yolda 5 km-ə yaxın məsafədə uzun müddət bir dənə də olsun yerüstü piyada keçidi olmayıb.
Həmin avtomobil yolunda avtonəqliyyatın intensiv hərəkətini və yolboyu yaşayan sakinlərin çoxsaylı müraciətlərini nəzərə alaraq, onların təhlükəsizliyini təmin etmək məqsədilə sözügedən yolda 2020-ci ildə (köhnə “Mərdəkan Broyler” ASC-nin yaxınlığında) yerüstü piyada keçidi inşa edilmişdir.
[URIS id=71349]
