Sosial şəbəkələrdə Bakının “Koroğlu” metro stansiyasının girişində dilənən qızın görüntüləri yayılıb. Bu haqda bu gün, 10 sentyabr tarixində Oxu.az məlumat verib.
Bildirilir ki, yaxınlıqda olan uşağın anası vətəndaşların onunla belə davranışının səbəblərini öyrənmək cəhdlərinə son dərəcə kəskin reaksiya verib. Belə ki, qadın qızını kameraya çəkməyə başlayan adama əl-qol atıb.
Daxili İşlər Nazirliyinin (DİN) mətbuat xidmətinin əməkdaşı, polis mayoru Anar Qafarov bildirib ki, azyaşlı qızın valideynlərinin şəxsiyyətləri artıq müəyyən edilib və onlar polis bölməsinə dəvət olunublar.
"Onlar Yevlax rayon sakinləridir. Azyaşlı qızlarını dilənçiliyə cəlb edən valideynlərə qarşı qanunvericiliyə uyğun tədbirlər görülüb", - o əlavə edib.
