178 minlik dələduzluqda ittiham olunan şəxsə hökm oxunub. Bu haqda 23 sentyabr tarixində APA məlumat verib.
Vətəndaşların pulunu ələ keçirməklə dələduzluq etməkdə ittiham olunan Fərid Abdinovun cinayət işi üzrə məhkəmə prosesi başa çatıb. Fərid Abdinov CM-in “Xeyli miqdarda ziyan vurmaqla dələduzluq” maddəsi ilə ittiham olunaraq 7 il müddətinə azadlıqdan məhrum edilib.
Fərid Abdinov şəhid ailələrini aldadaraq, onlardan pul alıb. İddia olunub ki, o, xəstə övladı olan insanlardan, o cümlədən şəhidlərin həyat yoldaşlarından müxtəlif məbləğlərdə pul alaraq, onlara müxtəlif vədlər verib, onların etibarından sui-istifadə edərək külli miqdarda vəsaitlərini ələ keçirib. Bundan başqa, MİDA-dan mənzil almağa kömək edəcəyini vəd edərək, vətəndaşdan 18.000 AZN pul alıb.
Abdinov dələduzluq yolu ilə zərərçəkənlərin ümumilikdə 178.000 manat pulunu ələ keçirib.
