Bakının Sabunçu rayonu, Kürdəxanı qəsəbəsində qeydə alınmış yol qəzasında həlak olan Fəxri Ümüdovun həyat yoldaşı intihar edib. Bu haqda bu gün, 13 oktyabr tarixində Milli.az məlumat verib.
34 yaşlı Nahidə Umudova özünü asaraq həyatına son qoyub.
Qəza hadisəsi 10 oktyabr, saat 17:20-də Kürdəxanı şosesi, Əjdər Məlikov küçəsində, “Nail Market”in qarşısında baş verib. “Chevrolet” markalı avtomobili idarə edən qadın sükana nəzarəti itirib. Nəticədə o, yolun kənarında dayanan "Mitsubishi" markalı avtomobilə çarpılıb. Zərbənin gücündən “Mitsubishi” hərəkətdə olan “Audi” markalı avtomobillə toqquşub.
Qəza nəticəsində “Mitsubishi”nin sürücüsü, 38 yaşlı Fəxri Ümüdov hadisə yerində keçinib. Faktla bağlı araşdırma aparılır.
