Daxili İşlər Nazirliyinin (DİN) Baş Narkotiklərlə Mübarizə İdarəsinin əməkdaşları tərəfindən Azərbaycanın paytaxt və rayonları üzrə ötən 14 gün ərzində külli miqdarda narkotik vasitəni qaçaqmalçılıq yolu ilə ölkə ərazisinə gətirən mütəşəkkil dəstənin 29 üzvü saxlanılıb. Bu haqda Bakuplus.az Daxili İşlər Nazirliyinin mətbuat xidmətinə istinadən məlumat verir.
Onlar narkotiklərin satışını onlayn, eləcə də digər üsullar vasitəsilə təşkil etməkdə ittiham olunurlar.
Həmin şəxslərdən ümumilikdə 120 kiloqram narkotik vasitə, o cümlədən 7057 ədəd psixotrop tərkibli həb götürülüb.
Saxlanılanlar Bakıda, eləcə də ölkənin cənub və qərb bölgələrində əsas narkotik tədarükçüləri şəbəkəsinin bir hissəsi olublar.
Faktlarla bağlı Azərbaycan Respublikasının Cinayət Məcəlləsinin müvafiq maddələri ilə cinayət işləri başlanılıb, saxlanılan şəxslər barəsində həbs-qətimkan tədbiri seçilib.
[caption id="attachment_69065" align="alignnone" width="1024"]
Foto DİN-in rəsmi Youtube kanalı[/caption]
