Xəzər dənizinin Bakı akvatoriyasında qanunsuz balıq ovlayan şəxslər saxlanılıblar. Bu haqda BakuPlus.az Ekologiya və Təbii Sərvətlər Nazirliyinin mətbuat xidmətinə istinadən bu gün, 21 oktyabr tarixində xəbər verir.
Xidmət rəsmisi Bəhruz Məhəmmədov bildirib ki, araşdırma zamanı brakonyerlər arasında Bakı şəhər sakini Aleksandr Qolubev da olub.
Həmin şəxslərdən istifadəsi qadağan olunmuş ov alətləri və 2150 metr uzunluğunda sintetik tor götürülüb.
B.Məhəmmədovun sözlərinə görə, faktlarla bağlı qanun pozucuları barəsində protokol tərtib olunub və qanunamüvafiq tədbirlər görülüb.
