Qobu qəsəbəsində quldurluq əməlini törədən qruplaşma üzvlərində narkotik aşkarlanıb. Bu haqda BakuPlus.az DİN-in mətbuat xidmətinə istinadən bu gün, 17 oktyabr tarixində xəbər verir.
Abşeron rayonu, Qobu qəsəbə sakini olan bir nəfər polisə müraciət edərək borclu olduğu, əvvəldən tanıdığı şəxslərin ona hücum etdiyini, daha sonra naməlum ünvana apararaq qanunsuz olaraq orada saxladıqlarını, sonra isə mobil telefon və pulunun həmin şəxslər tərəfindən əlindən alındığını bildirib.
Aparılan əməliyyat tədbirləri nəticəsində hadisəni törətməkdə şübhəli bilinən Qobu qəsəbəsi sakini Zaur Əliyev, Ceyhun Səmədzadə və qardaşı Rafiq Səmədov tutulublar.
Saxlanılan zaman Ceyhun Səmədzadə ilə qardaşının üzərindən külli miqdarda narkotik vasitə olan heroin aşkar edilib. Bundan əlavə, onların Qobu və ətraf qəsəbələrdə narkotik vasitələrin satışı ilə məşğul olduqları da ortaya çıxıb.
Qobu Polis Bölməsinin əməkdaşları tərəfindən həyata keçirilən daha bir əməliyyat nəticəsində həyətində narkotik tərkibli çətənə kolları əkən, əvvəllər də məhkum olunmuş Tariel Sadıqov saxlanılıb.
Onun həyətinə baxış zamanı yaş halda çəkisi 10 kiloqram olan kultivasiya edilən çətənə kolları aşkar edilib.
Faktlarla bağlı toplanan materiallar Abşeron Rayon Polis İdarəsinin İstintaq Şöbəsinə göndərilib.
Saxlanılan şəxslərin ətrafında əməliyyat-istintaq tədbirləri davam etdirilir.
[caption id="attachment_75065" align="alignnone" width="640"]
Foto DİN-in mətbuat xidməti[/caption]
