Bazar günü, 2 oktyabr tarixində Cəlilabad və Xaçmaz rayonlarında baş vermiş yol qəzalarında 4 Bakı sakini xəsarət alıb. Bu haqda bu gün, 3 oktyabr tarixində Bakuplus.az Report-a istinadən məlumat verir.
Cəlilabad rayonu, Uzuntəpə kəndində yük avtomobili yol kənarındakı maneəyə çarpılıb. Nəticədə 53 yaşlı Bakı sakini Rövşən Nuriyev və daha bir naməlum şəxs xəsarət alıblar. Hər iki yaralı xəstəxanaya çatdırılıb.
Daha bir yol-nəqliyyat hadisəsi Xaçmaz-Xudat magistral yolunda baş verib. “Opel” markalı avtomobil idarəetmədən çıxaraq yol kənarındakı ağaclara çarpılıb. Qəza zamanı Bakı sakinləri: 30 yaşlı Günel Fərəcova, 22 yaşlı Milana Axundova və 19 yaşlı Aysu Nuriyeva müxtəlif dərəcəli xəsarətlər alıblar. Hər üç qadın Xaçmaz Rayon Mərkəzi Xəstəxanasına yerləşdirilib.
Hər iki faktla bağlı araşdırmalar aparılır.
