Sumqayıt şəhərində narkotikin təsiri altında olan sürücü saxlanılıb. Bu haqda 13 sentyabr tarixində Daxili İşlər Nazirliyi məlumat verib.
Ceyranbatan qəsəbəsi ərazisində manevr qaydalarını pozan “Chevrolet” markalı avtomobil Baş Dövlət Yol Polisi İdarəsinin əməkdaşları tərəfindən saxlanılıb. Məlum olub ki, sürücü, Bakı şəhər sakini R.Qədimov narkotik vasitənin təsiri altında olub. O və sərnişinləri X.Rəhimov, əvvəllər məhkum olunmuş S.Məlikov Sumqayıt Şəhər Polis İdarəsinə təhvil veriliblər.
Həmçinin S.Məlikovun çantasından heroin, metamfetamin, preqabalin, 5 ədəd tramadol həbi, 1 ədəd metadon həbi, elektron tərəzi və 2 ədəd bıçaq aşkar olunub.
