Bakının mərkəzində yerləşən tarixi abidələr haqqında süjet hazırlanıb. İçərişəhərin sirləri haqqında Azərbaycan İctimai Televiziya kanalında (İTV) yayımlanan “Yaddaş” verilişində əməkdar artist Rahib Azəri danışıb. Bu haqda bu gün, 26 oktyabr tarixində Bakuplus.az məlumat verir.
Müəllifin sözlərinə görə, İçərişəhərdə aparılan tədqiqat işləri və qazıntılar zamanı çoxlu tarixi abidələr aşkarlanıb.
“1969-cu ildə burada karton zavodu var idi. Müəssisənin sökülməsi zamanı ekskavator çalovu müəyyən dərinlikdə ilişib qalıb və bu da çox qədim abidənin aşkarlanmasına səbəb olub. İndi gördüyümüz dini memarlıq abidəsi bu yolla tapılıb”, – deyə Azəri bildirib.
Verilişdə Dövlət Sirki binası, “Nərgiz” kafesi, Nətəvan heykəli haqqında da maraqlı məlumat öz əksini tapıb.
