Bakı şəhəri, Nəsimi rayonu, Alı Mustafayev küçəsində yerləşən 3-cü mikrorayon dairəsində yol ötürücüsü təmir olunacaq. Bu haqda bu gün, 29 dekabr tarixində Azərbaycan Avtomobil Yolları Dövlət Agentliyinin (AAYDA) mətbuat xidməti məlumat verib.
Bununla əlaqədar “20 Yanvar” dairəsindən Ziya Bünyadov prospekti istiqamətində avtomobillərin hərəkəti məhdudlaşdırılacaq.
Məhdudiyyət dekabrın 30-dan 31-nə keçən gecədən 2023-cü il yanvarın 4-ü axşam saatlarına kimi, qeyri-iş günlərində tətbiq olunacaq.
Bu müddət ərzində sürücülər “20 Yanvar” dairəsindən Ziya Bünyadov prospekti istiqamətində ara yollarla hərəkətlərini davam etdirə bilərlər.
