Binə qəsəbəsindəki su kanalı və ətraf ərazidə acınacaqlı vəziyyət hökm sürür. Təəssüf ki, bu hal uzun müddətdir davam edir.
Bakuplus.az-ın məlumatına görə, binə sakinləri sözügedən vəziyyətdən çox narazıdırlar.
Onlar bildirir ki, bəzi qonşular, o cümlədən yoldan keçənlər zibillərini gətirib bura atır. Bu da antisanitar vəziyyətin yaranmasına səbəb olur.
"Buralar əvvəl Binənin ən gözəl yerlərindən biri idi. Ağacların altı, kanalın yanı ilə gedirdik. Suya baxırdıq, qurbağalar, balıqlar var idi. İndi zibillər o qədər çoxalıb ki, kanala tökülür. Kanalın suyu da pis günə qalıb. Artıq balıqlar da, qurbağalar da yoxdur. Mən məəttəl qalıram ki, bu insanlar nə düşünür", - deyə sakinlərdən biri deyib.
