Bakının Sabunçu rayonunda yeniyetmə oğlan ögey atasını qətlə yetirməkdə ittiham olunub.
Hadisə ötən il oktyabrın 20-də Maştağa qəsəbəsi, Daş karxanasında baş verib.
2009-cu il təvəllüdlü Aslan anası Elmira və atalığı Zaurla (adlar şərtidir – red.) yaşayıb. O, ifadəsində bioloji atasını doğulduğu gündən görmədiyini, atasının bir neçə dəfə ailə həyatı qurduğunu və ondan başqa 7 oğlu, 1 qızı olduğunu deyib.
Onun sözlərinə görə, Zaur tez-tez spirtli içki, marixuanadan istifadə edirmiş və anası ilə tez-tez dalaşırmış.
Hadisə günü Zaurla Elmira arasında mübahisə yaranıb. Zaur qadını döyüb. Aslan görüntülü zənglə xalası Pərvanəyə baş verənləri göstərib, daha sonra mətbəxdən bıçaq götürərək Zaurun kürək nahiyəsinə bir neçə zərbə endirib.
Zaur aldığı xəsarətlərdən ölüb.
Bakı Ağır Cinayətlər Məhkəməsinin hökmü ilə Aslan 9 il müddətinə azadlıqdan məhrum edilib və cəzasını ümumi rejimli tərbiyə müəssisəsində çəkməsi müəyyən olunub.
Müdafiə tərəfi əməlin zəruri müdafiə həddini aşmaqla sağlamlığa ağır zərər vurma kimi qiymətləndirilməsini istəyib. Lakin Bakı Apellyasiya Məhkəməsi şikayəti təmin etməyib.
Bakı Ağır Cinayətlər Məhkəməsinin hökmü ilə Aslan 9 il müddətinə azadlıqdan məhrum edilib və cəzasını ümumi rejimli tərbiyə müəssisəsində çəkməsi müəyyən olunub.
Müdafiə tərəfi əməlin zəruri müdafiə həddini aşmaqla sağlamlığa ağır zərər vurma kimi qiymətləndirilməsini istəyib. Lakin Bakı Apellyasiya Məhkəməsi şikayəti təmin etməyib.
