Motosikletlə avtoxuliqanlıq edən daha bir sürücü həbs edilib.
Bakı Şəhər Dövlət Yol Polisi İdarəsindən Bakuplus.az-a verilən xəbərə görə, keçirilən tədbirlər nəticəsində paytaxt ərazisində yol hərəkəti qaydalarını davamlı şəkildə pozaraq digər hərəkət iştirakçılarının da sağlamlığı üçün real təhlükə yaradan motosiklet sürücüsü Seymur Cəfərov saxlanılıb.
Sürücü barəsində İnzibati Xətalar Məcəlləsinin müvafiq maddələrinə əsasən inzibati protokol tərtib edilərək baxılması üçün aidiyyəti məhkəməyə göndərilib.
Məhkəmənin qərarı ilə S.Cəfərovun sürücülük hüququ 1 il müddətinə məhdudlaşdırılıb və o, 20 gün inzibati qaydada həbs edilib.
Qeyd edək ki, Bakı Şəhər Dövlət Yol Polisi İdarəsi dünən də avtoxuliqanlıq edən qadın motosikletçinin həbs olunması barədə məlumat yaymışdı.
